At 22

22歲，感恩今年可以出走多次，五日四夜的台中 六日五夜的首爾，一個月的倫敦。感恩年輕的我可以踏足唔同的地土，感受細味人生，尋找認識自己。感恩主容許我在踏入社會前完成了一個夢想，滿足崇洋的我一直往外地居住的夢想。雖然只是逗留一個月，但還是足夠，是滿滿足足的。

年頭深受到電影Mitty所影響，引發起心裡很多的共鳴...

E-harmony職員問Walter的Profile：

"You have left BEEN THERE DONE THAT blank!"

"Yeah...I kind of skipped it."

"Man, don't skip stuff!"

生活中不停的發白日夢，夢想成為一個愛人的人，夢想成為一個英雄，夢想可以對抗上司。最後為了要完成一項任務，為責任為也自己決定出走去。原來有些事現在唔做，一生都好難再有機會。別再錯過好的事情和時機。

今次去一個星期讀書，三個星期去玩。每一日都好簡單，好開心，真係好耐無試過咁輕鬆嘅感覺。放下責任，身份，服侍，做一個平凡的人。換個角度去看世界，看自己，放鬆心情，放過自己，感受自己，認識自己。放下對人對主對自己的主觀，容許自己咩都唔識，保持對所有事的好奇心。便會發現每一樣野都係主的愛。

每一個遇上的人，遇上的團友，班上認識的同學老師，碰上的夫婦，認識的祈禱人，幫我地影相的途人伯伯，餐廳裡講廣東話的香港藉印度父子...雖然只係一面之緣，已令旅程加添了趣味，旅行不止去完成一個又一個景點，而是去拉近人與人間的關係，互相學習和刺激，再去豐富自己。每一樣野都係主的愛。每次星期天的聚會崇拜都很期待，除了可以見識到人地教會好有活力的氣氛外，亦可以帶家姐一齊敬拜聽道。四次的崇拜，都好感受到上帝的愛，無諗過我可以喺英國敬拜，仲要同家姐一齊，夢想成真呢種不可思義的感覺已經令我好感動。上帝亦透過敬拜鼓勵我，提醒我在祂眼中我是美麗的，是有一個計劃的。生活左一段時間已經當左自己係一個local，underground已經成為我地的好朋友，而確實第一次去旅行有一種好似屋企的歸屬感覺。今次的旅程中亦實現了很多很多的夢想。

決定去今次旅行前有好多的顧慮，成日有一個好牢固的思想，認為我有服侍唔應該去咁耐，唔應該點點點...發現呢個唔係神心意的思想成日框住左我，亦係比自己的一個籍口同壓力。或許這個心態從小就有，細個成日好羨慕人，可以點可以點，成日諗如果我可以就好，或者諗唉唔洗有責任在身我都得啦等等。基於很多原因，打消了很多念頭和持續陪養興趣的機會，其實這些原因也許只是因為決心不足，害怕失敗和別人的眼光而找來的藉口。每個人的舒適區都可以唔一樣，但同樣需要勇氣去擴闊，跳出。然而，有勇氣都唔夠，還要敢去做去試去，敢繼續行。慶幸我今次敢去選擇，承擔一個我很想去完成的一件事。結果，今次旅行最開心的就係可以做番自己，認識同接納自己。花光身上的金錢，換來令人回味的回憶，完成一個令自己自豪的夢想。

由Prague回程時諗起中五時有個阿sir同我講"You are little but powerful"...我唔明白但就一直記到而家。Powerful同我好唔襯，但慢慢我發現其實powerful唔一定要係做大事好強大好強勢，而係要發掘自己的潛能潛力，眼光唔好咁短淺狹窄, 唔好睇死自己，限制自己，最起碼可以be the impact in your life，成為自己生命的影響力。This is what powerful means to me. 雖然好微小，但你永遠都唔會知道上帝可以用同發展你到一個咩地步。

面對人生新的改變，變化，進入一個新的階段，世界彷彿突然大了很多。有很多機會，不同的道路，同時自主性亦大大提高了。揾工的過程發現原來都係會幾有壓力，面對社會的價值觀，要求，氣氛，快要令人窒息。番黎面對服侍，屋企裡的轉變，進入社會，成日諗，如果我無信耶穌我而家會點？如過沒有上帝作我的主會點？亦會諗，上帝放我在這位置有什麼用意？我整個人，興趣，熱情可以怎被使用去榮耀你？諗下諗下其實有好多野可以做，但點都好，都要按步就班。前幾天，參加母校的五十周年晚宴，知道當初很多番教會的同學很多都沒再番，老實說這是很難過的事，但我也相信上帝有祂的心意：）但同時，好感恩還算可以捉得住與神這關係。前路無論怎麼走，仍然想堅持創作，堅持回應主，堅持夢想。

Walter最後遇上一直係電話傾計的e-harmony職員:

"How's your daydreaming lately？

"Less lately.."

"Less is good."

實踐上帝托付的感動，夢想。令生命更有意義。

Be an impact in life.

加油！